కోరని వైరం

నువ్వనుకుంటే

అన్నీ మారిపోతాయా

కానీ మంచే కదా అనుకున్నాను

మంచికి ముంచే లోకమిది

రెండు పార్శ్వాలు

దృక్కోణాలు మరెన్నో

ఇంత కన్నా ఏం జరుగుతుంది

అనే తెగింపు ఒక పక్క

ఏం మాట్లాడితే ఏం ముంచుకొస్తుందో

అనే భయం మరో పక్క

చెప్పడం సులువే

కానీ వదులుకోవడం వల్ల కావట్లేదే

ఇంకా ఎవరో గుర్తిస్తారని

నీ గురించి చెప్పుకోవాలని

ప్రయత్నాన్ని ఆపవా

పోతే పోనీ అని

ధూళిలా నిన్ను వదిలించుకున్న వారి కోసం

ఇంకా బాధ పడాలా

ఈశ్వరునికి ఏమని విన్నవిస్తున్నావ్

నీ మీద నుంచి తొక్కుకుంటూ వెళ్లిన వారు

వారి పాదాలు బాగుండాలనా

అదొక్కటే చేతొచ్చునా

పర్లేదు

నిన్ను నువ్వు మార్చుకోవాలనుకుంటే తప్ప

ఎవ్వరూ ఏమీ చెయ్యలేరు

ఇదొక్కటీ అర్థం చేసుకుని

జీవితాన్ని అర్థవంతం చేసుకో