కనపడని అడుగులు !
కనపడని అడుగులు !
రోజూ నాకోసమే వెతికే నీ అడుగులు
నేడు కనపడకున్నాయి .
ఈ ఒంటరి సమయాలు జాబిలి జాడలేని
ఆకాశాన్ని తలపిస్తున్నాయి .
చూపుల్లో కవ్వించే చిలిపితనం ,
మాటల్లో లాలించే జాణతనం
నీవైపే నడిచేలా నా ఊహలను ఆకర్షించాయి .
నౌకల విహారంతో ఉరకలు వేసే సముద్రంలా
చక్కని చుక్కల సౌందర్యంతో నిండే విశ్వంలా
ప్రియసఖుల నడుమ నీరాకతో నాలోకంలో
సొగసుల మెరుపులను రప్పించవా ,
నా మనసుని దోచి నిత్యం నను మెప్పించవా !
*** # *** # ***