మౌనం

ప౹౹

ఏమిటో ఆ మౌనం ఎదలో ఏదో ధ్యానం

కనుగొననా కనిపించని కలల ఉద్యానం|2|

చ||

సఖుడే మనసులో నిలచి ఆ ఎద గిల్లగా

తీయని సుఖమేదో తనువునంత అల్లగా|2|

మెత్తని చూపులతో మెరిసినే ఆ కళ్ళతో

కొత్త పరవశం మెలికలై వింత పోకళ్ళతో|ప|

చ||

మరువని ఎరుక మరులే నింపే మదిలో

తరుగని తమకం తనువు పెంచే ఆదిలో|2|

గురికాడే చెలికాడై చేరినే ఆశగ చెంతనే

సరిజోడే సరసంతో తీర్చినే ఆ చింతనే |ప|

చ||

వలపు వాహనమెక్కిన తీరులే ముచ్చట

తలపు తావరమై చేరులే మెల్లగ అచ్చట|2|

వీడి మౌనం చేరుకో ప్రేమ వాకిలి దరిని

వేడిన ఆ ఎలమి ఒకటిగా చేర్చు ఇద్దరినీ|ప|