కల్పవృక్షం

ప౹౹

వలపు జ్వాల వదలకనే ఒడిసి పట్టవోయి

తలపు వాకిలి తెరచి తనవునే తట్టవోయి౹2౹

చ౹౹

ఈ క్షణం మరలా రానిది మరి మరిపించు

తక్షణం తరలి మదిలో ఆశనే మురిపించు౹2

కోటి కోర్కెలను కోరే కోరికనే శాసించుము

సాటి సరసములే సాదరంగ సాధించుము౹ప

చ౹౹

నిత్యప్రేమ నికరమై ఎలుగొందు నీ ఎదలో

అత్యాధునికమై కనిపించాలని ప్రతి కథలో౹2

కలిసి వచ్చిన కాలం కోరదుగ ఏ శకునము

తెలసికొన ఆ ప్రేమనే మరి కోరులే ప్రతికోణం ౹ప౹

చ౹౹

వేకువ వెలుగులా పెరెగే ప్రేమ ప్రతినిమిషం

వేగువలే ఎడదచేరు లెక్కించక మీనమేషం౹ 2౹

తనువు మెచ్చిన చెలిమి కోరెను తన పక్షం

అనువైన కూరిమి మనసులోన కల్పవృక్షం ౹ప౹