కెరటం

ఎప్పుడూ కొత్త ఉత్సాహాన్ని మోసుకు వస్తున్నట్టు ఉంటుంది కెరటం

చిలిపితనానికి చక్కిలిగిలిపెట్టినట్టు వంకరలు తిరిగిపోతుంటుంది

ఎంతటి కన్నీరు నైనా తనలో కలిపేసుకుంటుంది

తీరానికి వచ్చే ముదుసలిని కూడా పిల్లవానిని చేస్తుంది

ఇసుకతో కట్టే గుళ్లు తనకి నప్పవేమో తనలో కలిపేసుకుని నవ్వు కుంటుంది

ప్రేమతో రాసుకునే రాతల పసితనానికి మురిసిపోతుంది

ఎన్నో బాధలకు సంతోషాలకు మౌనవేదిక అవుతుంది

పాలనురగల పసినవ్వులకు పుట్టినిల్లు కడలి

ఓదార్చే హృదయలోగిలి.