కాలంలో ప్రయాణం
కాలంలో ప్రయాణం
ఇంకా నమ్మకముందా
వెనక్కి వెళ్ళే యోచన ఉందా
కాలంలో ప్రయాణించి
ఇంకా ఏం సాధించాలి
మరింత అందమా
ఆయుష్షు పెంచాలా
అవినీతికి ముసుగు వేయాలా
అందలమెక్కి మొక్కించుకోవాలా
ఇంకా నీకర్థం కాలేదా
వేళ్ళ మధ్య నుంచి ఇసుక జారినట్టు
గుప్పిట బిగించినా
సమయం చేజారిపోతోంది
చూపుల్లో అంతరం తెలిసిపోతోంది
నిన్ను నువ్వు అర్థం చేసుకుంటే
కాలం అర్థమవుతుంది
నీ ప్రవర్తన మారితే చాలు
కాలంలో ప్రయాణం కన్నా
వర్తమానాన్ని హాయిగా గడపడమే
జీవిత సాఫల్యం అని తెలుస్తుంది
మొండి పట్టు మార్చుకుని
కాస్త ఆలోచించు
జుట్టు ఊడకుండా కూడా
జ్ఞానం సిద్ధిస్తుందేమో..