జ్యోతిష్యుడు - వారఫలాలు

దశ తిరుగునని

జనత జాతకములు చూసి

భవిష్యత్తు చెప్పు జ్యోతిష్యుడు

అద్భుతముగా లాభం వచ్చునని

పరిపరి విధముల తలచుకుని

వారఫలములు చూసి బయటకేగె

పొగుడు వారు ఎక్కువై

సభలో ప్రసంగం పొడిగించి

అందరికీ జాతకము చెప్పెను

సన్మానముతో సంతసించెను

ఒడలు మైమరచి ఉప్పొంగెను

ఇంటికి చేరిన పిదప

పుష్ప గుచ్ఛములు పక్కన పెట్టి

పర్సు కోసం వెతికెను

పోగొట్టుకున్న పర్సు 

వారఫలంలో వ్రాసి లేదని ఊరకుండెను

మరల పంచాంగము చూసి ఏదో లెక్కగట్టెను