ఇష్టము

నీ పెదవుల మెఱుపులోన..ఉండిపోవుట ఇష్టము..! 
నీ కోసం గులాబినై..పూసిపోవుట ఇష్టము..! 

ఊరించే చిత్రసీమ..జరుగుతున్న కలయేను.. 
నీతలపుల వానలోన..కాలిపోవుట ఇష్టము..! 

మధువేదో పనేలేని..మత్తుమందు దొరికెలే.. 
నిను చూస్తూ ఈ నేనే..కరిగిపోవుట ఇష్టము..! 

చెలిమికన్న జగతినడుపు..సూత్రమేదొ ఓచెలీ.. 
చెప్పకనే మౌనముతో..కలిసిపోవుట ఇష్టము..! 

మదిదోచిన గజదొంగవు..నీవన్నది తెలిసెలే.. 
ఈ పల్లకి సాక్షిగనే..రాలిపోవుట ఇష్టము..! 

లేనిపోని యాతనలకు..సెలవెలాగ అందెనో.. 
మాటలలో పెట్టకనే..పెట్టిపోవుట ఇష్టము..!