గుండె కైన గాయం కధ

గుండెకైన గాయంకథ..చెప్పాలని లేదు..! 

ఒక అశ్రువు మాటు ఘోష..పాడాలని లేదు..! 

ప్రేమకన్న వేదించే..సంగతేమి టసలు.. 

ఈ విరహపు కడలినింక..మోయాలని లేదు..! 

వెన్నెలింటి మంచువాన..అగ్గిలాగ మారె.. 

బరువెక్కిన ఈ శ్వాసను..నిలపాలని లేదు..! 

కఠినశిలయు కరుగునేమొ..నీ మనసది ఏమి.. 

అయోమయమెంత హాయో..ఓపాలని లేదు..! 

వ్రాయరాని కావ్యమనగ..మనతియ్యని చెలిమి.. 

అక్షరాల పంజరమున..ఉంచాలని లేదు..! 

నీ కోసం కలవరించు..పూలతోట మనసు.. 

నీవురాక చిగురైనా..తొడగాలని లేదు..!