గెలిచి ఓడిపోయా
గెలిచి ఓడిపోయా
ఎలాంటి ఆధారం లేని నా మనసులోకి
నీ రూపం వచ్చి చేరి దానిని ఓడించింది
నా ఆధీనంలో ఉన్న ఆలోచనలపై
నీ ఊసుల వల వేసి గెలిచావు
స్పందన మరచిన హృదయానికి
నీ చూపుల బాణాలు వేసి ఓడించావు
అచేతమైన నా ఆశలను తట్టిలేపి
నాపై గెలిచింది నీ ప్రేమ
ఆ ప్రేమ పూవు వికసించాక
నా అస్థిత్వాన్ని కోల్పోయి ఓడిపోయాను
నీ ఎడబాటుతో మళ్ళీ నన్ను ప్రాణమున్న మోడులా చేసి
నాపై నువ్వు గెలిచావు
కాలంతో పాటు ప్రతీసారి
గెలుపు - ఓటమిల మధ్య జరిగే యుద్ధంలో
నా ప్రేమ ఓడిపోయి మిగిల్చిన
కన్నీటి సుడులన్నీ చల్లార్చలేకపోయిన
నీ కోపాగ్ని మళ్ళీ మళ్ళీ నాపై గెలిచింది