గాలి మర దగ్గర
గాలి మర దగ్గర
గురుతు లేదా నీకు
గురుత్వాకర్షణ కన్నా బలమైంది
నీ స్పర్శలో పొందే మత్తు అని
కలలను కాళ్ళతో తన్ని
నిన్ను పొందే ఆశతో
అదే గొప్పనే ధ్యాసలో
సర్వం విడిచి ఒంటరినైనాను
అదే గాలి మర దగ్గర
నిన్ను మొదట కలిసింది
మనసు తెలిపింది
మెల్లిగా దగ్గరైంది
అదంతా గతం నీకు
నాకేమో అదే భవిష్యత్తు దారి
ఎలా మరువడం
మరిచి నిన్ను తాకడం
గాలి మర తిరుగుతోంది
నా తలలా
వేగంగా తిరుగుతోంది
మెలకువ వస్తే ఒక్కటి జ్ఞాపకం చేసుకో
నే నీతో ఉన్నా
ఉంటా..