ఏనుగు మీద ఊరేగింపుగా..

కవులని

గొప్ప భావుకులని

ఏనుగు మీద ఊరేగింపుగా

వారిద్దరినీ తిప్పారు

చుట్టూ జనం జేజేలు

రాజభటులు చూపిస్తున్న గౌరవం

ఇదంతా కలేనా 

అన్నట్టున్న వైభోగం

ఇంతకూ వాళ్ళు చెప్పిందేమిటి

కలో గంజో తాగైనా

సంతోషంగా ఉండమని

ఆడంబరాలు అక్కర్లేదని

నలుగురినీ సమానంగా చూడమని

వీలైన సాయం చేయమని 

అహంకారం కూడదని

నిజమైన నిన్ను

నువ్వుగా ఉంటూ తెలుసుకోమని

జన్మ రాహిత్యం పొందమని

ఇంత మోహం భోగాలపైన 

అస్సలే లేని ప్రజలకు

ఈ ఏనుగు మీద ఊరేగింపు

చెప్పేదేమిటి..