ఎదలోని భావాలు

గట్టిగా ఆరిచినట్లు అనిపించినా

సినిమాలో ఏడుపు సీన్ చూసినా

కన్నీళ్లు జల జలా రాలిపోతాయి

అది జాలే అంటావా

కొన్నిసార్లు రక్తం చూసినా భయం వేయదు

ఏం చికెన్ షాపులో నువ్వు చూడలేదా

అబద్ధాలు చెప్పేవాళ్ళంటే అసహ్యం

కానీ కొన్నిసార్లు నేనే అబద్ధాలు చెప్తాను

ఏం నువ్వు చెప్పవా ఏంది

ఇష్టాలు ఎవరికి ఉండవు

అన్నీ బయటికి చెప్తామా ఏంటి

అలా అలా దాచేస్తాం

కొన్ని బాధలు కళ్ళ వెనుక

కొన్ని భావాలు పెదాల వెనుక

నిర్దాక్షిణ్యంగా కుక్కిపెట్టేస్తాం

తప్పంటావా?

తప్పదు అంటాను నేను

సగటు మనిషిని సార్

ఏదీ గట్టిగా అనలేను

కొన్ని వినబడినా పట్టించుకోలేను

ఏమైనా బాధపడకుండా ఉండలేను

మనిషిని కదా..