చుక్కల లోకంలో..
చుక్కల లోకంలో..
వ్యోమకేశుడి జడలు విప్ప
అంతరిక్ష అంబుధి అలజడులు సేయ
కృష్ణ బిలముల తొంగి చూసి
జారు తోక చుక్కల ధూళిలో ఆడి
చుక్కల లోకంలో
బహు చక్కని రూపంలో
నిర్నిద్ర నేత్రాలుగా
స్థావర జంగమాత్మకమైన ఈ సృష్టి
అందులోని అణువులను పరమాణువులను తాకి
కొత్త లోకంలా విస్తరిస్తూ ఉంటుంది
ఒక వైపు నక్షత్రము కృష్ణ బిలమై
మరో ప్రపంచాన్ని కబళించాలని జరుగుతోంది
నిరంతరమూ సృష్టి, వినాశనాల చక్రం
అక్కడ జరుగుతూ ఉంది
రోదసీ నన్నూ పిలుస్తోంది
అందులోని వింతలు చూసేందుకు
ఓ వింతలా మారేందుకు..