చీకటి మనసు

ఈ చీకటి.....

వెలుగుని రాత్రి పరదాతో కప్పుతుంది

పుడమిని అమాంతంగా కౌగిలించుకుంటుంది

ఈ చీకటి.....

యుద్ధవీరులకు విశ్రాంతిని ప్రసాదీస్తుంది

శ్రమతో అలసిన తనువులకు ఉల్లాసాన్నిస్తుంది

ఈ చీకటి.....

రగులుతున్న ఆలోచనలకు పరిష్కరాం చూపుతుంది

వేదనతో మూలుగుతున్న మనసుకు ఓదార్పునిస్తుంది

ఈ చీకటి.....

దుఃఖం నిండిన గుండెను 

ఓదార్చే గుండెకు జతకలుపుతుంది

ఈ చీకటి.....

విరిగిన ఆశలకు ఉపిరిలుదుతుంది

చెదిరిపోయిన కలలను దోసిట్లో పోస్తుంది

ఈ చీకటి.....

కఠిన మనసును సున్నితంగా

మెత్తని హృదయాన్ని కర్కశంగా మారుస్తుంది

ఈ చికటికి 

అహం ఎక్కువే ఎందుకంటే

విశ్వ రహస్యాలను చేదిస్తూ

సృష్టి అందాలకు తన కుంచెతో రంగులద్దుతుంది

ఈ చీకటికి

గర్వం ఎక్కువ ఎందుకంటే

ఉదయిస్తున్న సూర్యుడిని చూపిస్థానంటుంది

ఈ కటిక చీకటి....

మనసుకు తీవ్రమైన కోరికలను సప్లయ్ చేస్తూ

తనువుకు విపరీతమైన కాంక్షను డిమాండ్ చేస్తుంది

ఈ చీకటి.....

నిశీధి నిశ్శబ్దంలో కొత్త లోకాన్ని పరిచయం చేస్తుంది

రాత్రి కనులకు కలలను కానుకగా ఇస్తుంది

ఎవరికి తెలుసు ఈ చీకటి....

ఎన్ని మూగ కోరికలకు రెక్కలు తొడుగుతుందో......

ఎన్ని మౌన మనసులకు మాటలు ఇస్తుందో......

ఎవరికి తెలుసు ఈ చీకటి.......

ఎన్ని యవ్వన కలలను నిజం చేస్తుందో....

ఎన్ని దేహాలను వెన్నముద్దల కరిగిస్తుందో....

ఈ చీకటి.....

ప్రేమ మరియు శృంగారంలా అనుసంధాన కర్త

పగలు ఉండే ప్రేమ చంద్రుడు వంటిది

రాత్రయితే ఆ ప్రేమ శృంగారంతో వెన్నెలగా కాయిస్తుంది

ఈ చీకటి.....

మసక అందాలను యవ్వనంగా అవిష్కరిస్తు

ప్రేమికుల ముద్దులతో ఆకాశమంత

పాలపుంతగా ప్రకాశిస్తానంటుంది

ఈ చీకటిలో ......

గడిపే కొన్ని క్షణాలను

జీవితంలో మరువలేని మధురమైన

జ్ఞాపకాలుగా మారుస్తుంది

ఈ చీకటిని.....

అనుభవిస్తున్న కొద్దీ 

దాని గొప్పతనం పెరుగుతుంది

గడచిపోయిక దాని ఘడియ విలువను పెంచుతుంది

ఈ చీకటి 

చిట్టి పాపలకు ప్ర్రాణం పోసి 

చిరునవ్వుల పూయిస్తుంది

పాపాలు చేసి వారి ప్రాణం తీసి 

మరణ మృదంగం వాయిస్తుంది

అందుకే ఈ చీకటి....

ముగింపు ఉన్నట్లు అనిపించిన

మొదలుపెట్టిన మొదటి పేజె ఈ చీకటి....