బంధాలు అనుబంధాలు

అప్పుడూ ఉన్నాయి బంధాలు అనుబంధాలు,

ఇప్పుడూ ఉన్నాయి బంధాలు అనుబంధాలు,

ఈనాడు వచ్చాయి ఎన్నో ఎన్నెన్నో మార్పులు,

కేవలం మాటమాత్రానికే మిగిలాయి చుట్టరికాలు |౧|

ఆనాడు ఉండేవి ఒకరింటికి ఒకరి రాకపోకలు,

ఈనాడు దూరవాణిలో కూడా లేవు సల్లాపములు,

ఆనాడు కలిసి ఆరగించేవారు పండుగ పిండివంటలు,

ఈనాడు అందరు ఎవరికివారు చేసెను సొంత వేడుకలు |౨|

ఆనాడు ఉండేవారు అత్తలు మావయ్యలు మరదళ్ళు బావలు,

ఈనాడు కొంతమంది వ్యవహరించెను ఆంగ్ల పదాల పిలుపులు,

ఆనాడు ఉండేవి వ్యక్తికి వ్యక్తిత్వానికి బంధుత్వానికి అశేష విలువలు,

ఈనాడు మనిషికి పరిచయం కేవలం ఇచ్చెను వారి ఆస్తులు అంతస్తులు |3|