బెదురు

కళ్ళల్లో అదే బెదురు

నుదిటి మీద నుంచి జారే చెమట

చేతుల్ని పల్చటి దారాలతో కట్టేసినట్టు

గొంతులోంచి మాటల్ని పెగల్నీయకుండా బిగించినట్టు

అతణ్ణి చూస్తే ఏమిటోగా ఉంది

ఇతడిని చూశా తన బుగ్గలు టమాటాలా ఎర్రబడింది

ఇతడి పిలుపు వినడానికా బిందె పట్టుకుని నీళ్ల ట్యాంకర్ ముందు నిలబడింది

ఎగ శ్వాస దిగ శ్వాస అని లేకుండా వెనుకనే పరుగెత్తింది 

ఇతని కోసమా యవ్వనపు అందాల్ని అర్పించాలనుకుంది

రాతిలాంటి కండల చాటున వెన్న లాంటి హృదయం ఉందన్నాడు

ఈవేళ నాతో అవసరం లేదని డొక్కలో తన్ని పోయాడు

మనిషి బ్రతికే ఉందా అని కూడా వెనక్కి తిరిగి చూడలేదు

గుబురు గడ్డంతో ఎవరైనా వీధిలో నడిచెళ్ళినా

ఆ వయసు అబ్బాయిని ఎవరిని చూసినా 

ఇప్పుడూ ఆమెకు అతనే గుర్తొస్తాడు

కానీ డొక్కలో పెట్టిన నొప్పి ఆమెను బెదిరిస్తుంది