" బై బై గణపయ్య ! "
" బై బై గణపయ్య ! "
గణపయ్యా ! ఓ బొజ్జ గణపయ్యా !!
మట్టి బొమ్మల్లో అపరిమితమైన నువ్వు !
సుద్ద ముక్కలకు పరిమితమయ్యావే ?
భక్తి గీతాలకి పరవశించే నువ్వు !
రక్తి పాటలకు ప్రాకులాడుతున్నావే ?
భరత నాట్యానికి తాండవించే నువ్వు !
అశ్లీల నృత్యాలకు డాన్స్ కడుతున్నావే ?
"గణపతి బప్పా మోరియా !" అంటే ఉప్పొంగే నువ్వు ,
"కొట్టు.. కొట్టు ... d j కొట్టు.. బాక్సూ బద్దలు కొట్టు !" అంటే ఉబ్బితబ్బిబ్బవుతున్నావే !
ఒకప్పుడు ఊరికొక్కడివై దర్శనమిచ్చిన నువ్వు,
ఇప్పుడు విధికొక్క విగ్రహమై నీ భక్తుల పట్ల దూరం పెంచితివే !!
ఓ గణపతీ...
మా జనులు, update అనే వంకతో తమతో పాటు నిన్ను కూడా ఏమార్చేసారయ్యో !
అయినా ఇన్ని రోజులూ ఇక్కడే ఉండి ఎన్ని దారుణాలు చూసావో, మరెన్ని అరాచకాలలో పాల్గొన్నావో !
ఇంకొన్ని రోజులు ఇక్కడే ఉంటే తల్లి పార్వతి, తండ్రి పరమేశ్వరుడు కూడా నీలో మార్పుకి భయపడాల్సి వస్తుందేమో... ?
మా ప్రజల భక్తి కాస్త, రక్తిగా మారకముందే నువ్వు మా ఈ లోకం నుండి లాగించేయవయ్యా !
ఇక సెలవయ్యా గణపయ్యా !!
బై బై గణపయ్యా !!!