అర్థం పరమార్థం

మట్టి మనుషులమని

ఏనాటికైనా మట్టిలోనే కలిసేదని

బాహ్యసౌందర్యం శాశ్వతం కాదని

క్షణభంగురమే జీవితమని

దేహం మట్టిరేణువుల సముదాయమని

వున్న నాలుగు నాళ్ళయినా

తరువు వోలె తరించాలని

సృష్టి కర్త చేతిలో మలిచిన బొమ్మలం

చేజారితే పగిలి ముక్కలవునని

ప్రాణం కన్నా పేరు ముఖ్యమని

కాయం పోయినా కీర్తి మిగలాలని

స్వార్థం వీడి సేవా తత్పరత వున్నవాడే

మనిషి మహనీయుడవుతాడని

దేహాన్ని వీడేదాక మనిషికి మట్టికి

అవినాభావ సంబంధం ఉన్నదంటూ

చెప్పకనే చెబుతోంది సారాంశం

దేవుడిచ్చిన గొప్ప వరం జీవితం

మధ్యలోనే తుంచే హక్కు ఎవరికీ లేదు

ఆఖరి శ్వాస వరకు ఆస్వాదించడమే

మట్టిలో కలిసేదాకా

మనుగడ సాగించడమే

అర్థం పరమార్థం