అపరిచితుడు

నలుగురిలో ఉన్నా

ఒంటరిని నేనంటూ

సంభాషణలకు దూరం అవుతూ 

తనలో తాను ఆనందం పొందుతూ

ఒక పూల తోట

ఓ చల్లని చెట్టు నీడ

ఒక గుడి మండపం

ఓ పాత సినిమా

ఇవి చాలు

రోజు గడిచిపోతుంది

రోజూ గడిచిపోతుంది

మనుషులంటే పడి చచ్చే నేను

ఇంతలా మారానా

నాకు నేను కొత్తగా

అపరిచితుడిలా

ప్రకృతి ప్రేమికుడిగా

మారానా

ఇది నిజమేనా

ఏమో

ఇది బాగుంది

జీవితం అంటే కష్టం సుఖం 

అన్నీ చూడాలి అంటారు

మరి ప్రకృతిని జీవితంలో భాగం ఎందుకు చేసుకోరు..