అనుబంధాలు

అనుబంధాలు ఆప్యాయతలూ అంతరించినట్లు

చందమామలో మచ్చలా కనబడీ కనబడనట్లు!

నేను మాత్రం తొణక్కబెణక్క నిలబడి ఉన్నాను

కుళ్ళిన సంప్రదాయాలని చంపలేక పాటించరాక 

విక్రయిస్తున్నా వాదన్లని వ్యధలతో గెలిపించలేక

గులాబీరంగు శరీరంలో మూసి ఉన్న గదుల్లో..

విచ్ఛిన్నమవని విలువైన గదులకి తాళమేస్తున్నా!

గోప్యంగా దాచుకున్న సంస్కారం పెరిగి పెద్దదై..

చిరిగిపోతున్న మానవత్వానికి ఊపిరిపోయాలని

ఈ జన్మకు సార్థకత కూర్చి ఋణము తీర్చాలని!