అమృతవాహిని
అమృతవాహిని
పచ్చదనం జీవం అయితే
నీలపు నింగే ఊపిరి అయితే
నీటి పరవళ్లు
ఈ అవని గుండె చప్పుళ్ళు..
జలచరాలు, భూచరాలు..
ఎగిరే పిట్టలు,
గెంతే కప్పలు..
చతుష్పాదులు..
చల్లని సెలయేళ్ళు..
ఈ ప్రకృతీ..
ఈ చైతన్యం..
లోకం సమస్తం ..నిత్య వసంతం.
ఆశలు అత్యాశ గా మారినప్పుడు..
ఎల్లలు ఎరుగని సుఖాల వేటలో..
హద్దే లేని స్వార్థ జగం లో..
కాలుష్యం కోరలు చాస్తే..
భూగోళం పగుళ్లు వారితే..
ప్రళయ విలయమే సుళ్లు తిరిగితే..
ఓ అమృత వాహినీ..
ఏదీ నీ ఉనికి?
ఏదీ నీ చైతన్యం!?
ఏదీ నీ అస్తిత్వం..!?