జ్ఞాపకాల సిరి

లేత మామి ళ్లు

వేప పువ్వులు

కొత్త చివుళ్ళు

కుహూ కుహూ లు

చిక్కిన సెలయేళ్ళు..

పెళ్ళిళ్ళు, పెళ్ళివాళ్ళు..

కళ్ళాపి చల్లిన వాకిళ్ళు,

వాకిళ్ళు నిండిన సందల్లు

తాటాకు పందిళ్ళు

సిగ్గు ఎరుపుల చెక్కిళ్ళు

పచ్చ పచ్చని వరి మళ్ళు

ఉరుకులేసే పరవళ్ళు

దోసిల్ల నిండా ఈత పళ్ళు

ఒంటిపూట బళ్ళు

చెమట పట్టిన ఒళ్ళు

పరీక్షల హడావిడులు

సెలవులకు ఎదురుచూపులు

వేసవి తాపం తో

అనుభూతుల పరితాపం సంగమమే 

నా ఈ జ్ఞాపకాల సిరి

చిన్ననాటి అనుభవాల విరి.