అమ్మాయి అందం
అమ్మాయి అందం
అందంగా ముద్దొచ్చే వనిత వదనారవిందం,
ఎవరినైనా ఆకట్టుకొనే ఆ చంద్రముఖి అందం.
ముత్యాల వలె మెరిసే చక్కని దంతపక్తి ద్వయం,
ఏ పేస్టు తో చేయునో, మరి ఆమె దంతధావనం!
దొండపండ్ల మెరుపుతో నిండిన పెదాలు గల ఇంతి,
పెదాలకు ఏమి పూయగ వచ్చునో, ఆ వింత కాంతి!
నిడుపైన ముక్కును దాచిన గుండ్రని ఊలు బంతి,
గాలి పీల్చుటకు ఏమి చేయునో మరి ఆ పడతి!
ఆనందం తోనో, ఆశ్చర్యం తోనో విప్పారిన నేత్రాలు,
ఏ సందేశం, ఎవరికి ఇచ్చుచున్నవో ఆమె కనులు!
ఎవరిని చూచి ఆనందంతో తబ్బిబ్బాయెనో ఆ మోము,
ఓ సుదతీ వారికి స్పష్టముగ కన్పడనివ్వు నీ వదనము.
నిన్ను చూసిన పెద్దలు చిరునవ్వులు దాచగలేరు,
పిల్లలు కేరింతలతో తమ ఆనందాన్ని వ్యక్తపరచేరు.
అందరినీ నవ్వులతో ముంచెత్తే నీ ఈ ఆహార్యం,
ఎవరికి అంతుపట్టును, దాని వెనుకగల నీ ఆంతర్యం