అడగాలని ఉంది

ఆపదల నుండి తప్పించేవాడే

ఆపదలలో నెట్టేస్తుంటే 

అడగాలని ఉంది 

అంత పాపం నేనేం చేసాను అని

ప్రేమించే మనసు

ద్వేషించడం మొదలుపెట్టాక 

అడగాలని ఉంది

అంతగా నేను నచ్చక పోవడానికి

కారణం ఏమని

తప్పే చేయకపోయినా 

ఆడదానివి కాస్త సర్దుకు పొమ్మని 

సలహాలు విసిరేస్తుంటే

అడగాలని ఉంది నా స్థానం లో 

ఒక్కసారి ఆలోచించమని

నేరమే చేయకుండా

శిక్ష అనుభవించాలని శిక్షిస్తుంటే

అడగాలని ఉంది నేటి సమాజాన్ని

అంత నేరం నేనేం చేసానా అని

అడగాలని ఉన్నా

మూగబోతున్నది గొంతు 

పారిపోతున్నాయి మాటలు

ఎవరిని అడగాలో అర్థం కాకపోయినా