చిత్రాలు

తాడెక్కు వాడుంటె..తలదన్ను వాడుండు..!
ఆటరా ఇది చూడ..చిత్రాల కథలుండు..!

గొప్పంటు ఏముంది..ఏ నిమిష మెవరిదో..
ఎగిరెగిరి పడితేను..ఎగతాళి ఎదురుండు..!

మనిషన్న వాడింత..ఎఱుకలో ఉండాలి..
'తురుంఖాన్' నేనంటె..సవాలై బతుకుండు..!

వలపుతో బంధమే..ఈ జన్మ గుట్టులే..
తలపు మాటున గాక..ఇంకెచట సుఖముండు..!

గెలుపెంత చిలిపిదో..కవ్వించు జాణయే..
గాయాల గేయమై..ప్రవహించు మధువుండు..!

వేదించు మాయతో..కలహించు మనసేల..
నిజమౌనమే గురువు..గమనించ తోడుండు..!