ఓయ్ పిల్లా

నీకోసమే బతుకుతున్నా...నీకోసమే నవ్వుతున్నా...
నువ్వు లేని ప్రతిక్షణం...లోపల లోపల చనిపోతున్నా!
ఓయ్ పిల్లా...
"నువ్వు నా జీవితంలోకి వచ్చాక బతుకుకే అర్థం దొరికిందే...
నువ్వు నా పక్కన నడిచాక దారికే వెలుగు వచ్చిందే!"
నువ్వు పలికిన ఒక్క మాట రోజంతా నాతోనే ఉంటుందే,
నువ్వు చూసిన ఒక్క చూపు రాత్రంతా నన్ను వెంటాడుతుందే.
పొద్దున్న లేస్తే నీ గురించే ఆలోచన,రాత్రి పడుకుంటే నీ జ్ఞాపకాలే తోడుంటాయే!
ఓయ్ పిల్లా...
నా గుండెలో సగం నువ్వైతే, మిగిలిన సగం నీ జ్ఞాపకమే!
నా శ్వాసలో సగం నువ్వైతే, మిగిలిన సగం నీ పేరే!
చెరువు గట్టు మీద కూర్చుని మన కలలు చెప్పుకున్న రాత్రులు,
చందమామ కింద నడిచిన దారులు ఇప్పటికీ కళ్ళలో తిరుగుతున్నాయే!
నీ చేతిని పట్టుకున్న క్షణం కాలమే ఆగిపోయినట్టుండేది,
నువ్వు నవ్విన ప్రతిసారి లోకమే నాదైనట్టుండేది!
నువ్వు దూరమైనా నా ప్రేమ దూరం కాలేదే,
నువ్వు మౌనమైనా నా మనసు మౌనం కాలేదే.
ఈ ఊరిలో ఎక్కడ చూసినా నీ జ్ఞాపకాలే కనిపిస్తున్నాయే,
ఈ గాలిలో ఎక్కడ విన్నా నీ పేరే వినిపిస్తుందే!
ఓయ్ పిల్లా...
నువ్వు లేకుంటే ఈ బతుకే వెలితిగా అనిపిస్తుందే,
నువ్వుంటే చిన్న గుడిసె కూడా రాజమహలైపోతుందే!
"నేను పెద్దగా ఏం కోరుకోలేదు... నీ చేయి మాత్రం వదలొద్దని కోరుకున్నా.
నేను ధనవంతుడిని కావాలని అనుకోలేదు... నీతో వృద్ధుడిని కావాలని అనుకున్నా!"
కాలం మారినా నా ప్రేమ మారదే,
ప్రపంచం దూరమైనా నా మనసు నిన్ను విడువదే!
నువ్వే నా ఉదయం, నువ్వే నా సాయంత్రం,
నువ్వే నా కల, నువ్వే నా బతుకు, నువ్వే నా ప్రాణం!