మట్టిలో పుట్టిన జీవితం

ఖాళీ చేతులే వచ్చాం ఖాళీ చేతులే పోతాం 
కాసుల కోసం కరిగినా కాలంతోనే మిగులుతాం 
మనసు మంచిగా ఉంటే మానవత్వమే గెలుస్తుంది
మట్టిలో పుట్టిన జీవితం మట్టిలోనే కలుస్తుంది 
బంగారు గోడలు కట్టినా బతుకుకు శాశ్వతం లేదురా
ఎత్తైన సింహాసనమున్నా ఎవరికీ వెంటరాదురా 
పేరు కోసం పరుగెత్తినా ప్రేమే చివర నిలుస్తుంది
స్వార్థం మంటలు రేపినా స్నేహం నీడై నిలుస్తుంది  
నిన్ను నువ్వు గెలిచిన రోజే నిజమైన విజయమురా 
నలుగురి కన్నీరు తుడిచినవాడే నిజమైన మనిషిరా 
పుట్టుక మన చేతిలో లేదు పోవడం మన మాట కాదు
మధ్యలో ఉన్న ఈ ప్రయాణం మంచితనానికి సాటి కాదు 
అహంకారం మేఘమైతే అది క్షణంలో కరిగిపోతుంది
ఆప్యాయత చినుకైతే ఎడారినైనా తడిపేస్తుంది 
దేవుడిని వెతకకురా దీనుడిలోనే ఉంటాడురా
సేవ చేసిన చేతుల్లోనే సత్యం వెలుగై మెరిసేదిరా 
కాలం రాసే కథలో మనం కొన్ని పేజీల అక్షరాలం 
కలిసి ఉన్నంత కాలమే కుటుంబం అనే పండు గలం
ధనం దాచిన వాడికంటే ధర్మం పంచినవాడే గొప్ప
చిరునవ్వు ఇచ్చిన క్షణమే జీవితానికి అసలైన లెక్క 
మంచి మాటలు మిగిలిస్తే యుగ యుగాలు బతుకుతాం
మనిషిగా పుట్టిన జన్మను మానవత్వంతో నింపుదాం 
మట్టిలో పుట్టిన జీవితం ప్రేమతోనే గెలిపిద్దాం ...!!