ఏం సాధించావురా

ఏం సాధించావురా జీవనమంతా
 ఏడ్చి ఏడ్చి కుమిలిపోవుటకు...
ఏం సాధించావురా... ఏం సంపాదించావురా...
 ఎగబాకిన భూమి నీ వెంటరానప్పుడు...
మనుషులంతా ఒక్కటే అని మరువకురా ఓ మనుషుడా...
ఒకే కడుపున పుట్టిన అన్నదమ్ములు మీరు
ఒకే కంచంలో బువ్వ తిన్న బాల్యము మీది...
జానెడు భూమి కోసం జెండాలు పాతారు
రక్త సంబంధాలను తాకట్టు పెట్టారు...
పెళ్లిళ్లకు పేరంటాలకు దూరమైపోయారు
పగలతో రగిలిపోతూ బంధాలు తెంచారు...
చివరకు మిగిలేది ఆరడుగుల నేలే కదా మనుషుడా...
ఈ కాస్త భూమి కోసం ఎందుకీ కక్షలురా...!!
కోట్లు కూడబెట్టి మేడలు కట్టినావు
కలిసి వచ్చేది నీతోటి ఏమున్నది...
పోయేటప్పుడు నీ వెంట ఒక్క పైసా రాదు
ముండ్ల కంచెలు వేసి ఎవరిని ఆపుతావు...
ప్రాణం పోయాక నిన్ను మోసేది నలుగురే కదా
నువ్వు గెలిచిన ఆస్తులేవీ నీ వెంట రావుకదా...
ఆత్మసాక్షిని ఒక్కసారి ప్రశ్నించి చూడురా...
మట్టిలో పుట్టినావు మట్టిలోనే కలుస్తావు
మధ్యలో ఈ మాయా మోహాలు ఎందుకయ్యా...
కనుమూసే వేళకు కన్నీళ్లే మిగులుతాయి
నువ్వు చేసిన మంచి మాత్రమే నిలిచుంటుంది...
స్వార్థాన్ని వీడి బంధాలను కలుపుకోరా
మనిషిగా బ్రతికి మనిషిలా కనుమూయిరా...
మనసాక్షిని అడిగి తెలుసుకో ఓ మనుషుడా...!