ప్రకృతిలో వికృతి

(శార్దూల పద్యం)

మ్లానంబయ్యెను జీవితాస్య మెవడమ్మా!మూగజీవంబులన్

నానాహింసలు వెట్టి మ్రెక్కెనట! అన్యాయంబుగా, వీడి ధీ

జ్ఞానంబుల్- ప్రకృతిప్రకోపమె మహాసంక్షోభమ'య్యెన్ 'కరో

నా' నామైకవిషాణు జీవికి- ప్రపంచంబెల్ల కంపించెడిన్

 (సీస పద్యం- తేటగీతితో)

పెండ్లి సందడి లేదు బండ్లసవ్వడి లేదు

పొంతలన్నియు నిండు 

సంత లేదు

"తెరచాటు'లే 'వెండితెర' విడుదల లౌర!

'చిత్ర'సీమకును వైచిత్రి లేదు

తలమున్కలై ఫైళ్ల తలపెట్టి కడతేర్ప

తలకొక్క పనిసేయు 'కొలువు' లేదు

బడి 'బడి చక్కెర' - గుడినొంటి పూజరా!

అచ్చట్లు -ముచ్చట్లు నసలు లేవు

బోసిపోయె మైదానముల్‌ - చూసి చూసి

చేయరాదయ్యె కలుపుటల్ చేయిచేయి.

దిక్కుతోచక ప్రజ బిక్కుబిక్కు మనుచు

గడప సాగెను 'గడి' గీసి గడప యందు.