'హరీ!'శతకపద్యములు

75.

చంపకమాల.

తరువులఁ గూల్చుచున్ జనులు దండిగ కట్టిరి దివ్యహర్మ్యముల్

కరువులు కాటకంబులిట కాల్చగ నాపద లుప్పతిల్లగన్ 

ధరణికి ముప్పువచ్చె జలధారల దృశ్యము నొందెనయ్యొ!మా

కిరవగు మార్గమున్ దెలిపి నీ ధరఁ నిల్పవె పచ్చగన్ హరీ!//

76.

చంపకమాల.

కలియుగమందునన్ ఖలులు కత్తులు నూఱుచు రెచ్చిపోవగన్

నలుదెసలందునన్ గనగ నైతిక ధర్మము లుప్తమాయె ని

ర్మలమగు బుద్ధులన్ విడిచి మంచిని లోకులు విస్మరించ నీ

విలువలు నేర్పరావ!వినిపించవె నీదు సుబోధలన్ హరీ!//