విశ్వకవి

*విశ్వకవి*

(తేటగీతి పద్యములు.)

విశ్వకవి రవీంద్రుడు విద్య విలువ నెరిగి 

శాంతి సదనంబు నిర్మించె జగతి కొఱకు 

విశ్వ విద్యాలయము నందు విద్య నేర్పి 

సకల మానవాళికి తాను జయము కూర్చె /

తత్త్వ వేత్తగా నలరిన దార్శనికుడు 

పారమార్థిక చింతన పరిఢవిల్ల 

కవి, రచయితగా విశ్వమున్ గాంచి ఘనుడు 

వ్రాసి నాడు గీతాంజలి వసుధ మెచ్చ/

సరస సంగీత చిత్రపు శాస్త్రగనిగ

పండితీ విభవంబు సాధించి ప్రాజ్ఞుడయిన

విశ్వకవి జాతి కీర్తిని పృథ్వి యందు 

నిలిపి తారకై వినువీధి వెలుగుచుండె//