'హరీ!'శతక పద్యములు

67.

ఉత్పలమాల.

సాధనలేమి చేసెనట? సామజ మేడ్వగ వచ్చితీవు నిన్

శోధన జేసెనా మరి యశోదకుఁ జూపితి వెల్లలోకముల్

క్రోధము జూపినన్ భృగువుఁ గొల్చిన వాడవు నిన్ను దల్చు మా

బాధలఁ దీర్పవయ్య!తగువారముకామ? కృపాకరా!హరీ!//

68.

ఉత్పలమాల.

ముచ్చటగా సిరిన్ గనుచు మోహపు నవ్వులు చిల్కువాడ!మే

మిచ్చట కష్టముల్ పడుచు నేదరిఁ గానక దుఃఖమొంది వే

వచ్చితి మయ్య!నీ గిరికి బాధలు తీర్పగ దైవమీవె!మా

నెచ్చెలికాడవంచు నిట నిల్చిన మమ్ముల గాంచుమా హరీ!//