'హరీ!'శతకపద్యములు

'హరీ!'శతకపద్యములు.

87.

ఉత్పలమాల.

నాలుగు పూటలన్ దినుచు నాశము నొందెడి చక్రనేమిలో

తూలుచు లోకులెల్లరును తోరపు బుద్ధిని వీడుచుంద్రు స

త్కాలము మించిపోవు! పర తత్త్వమెఱింగెడి విద్యనేర్చి స

చ్చీలుడ!తల్చినంత నిను శ్రేయము కల్గుట తధ్యమౌ హరీ!//

88.

ఉత్పలమాల.

పంకిలమైన పాపమున వాలితి భారము తీర్పరావ!నీ

వింకను జాగు సేయకుమ !యెవ్వని జీరుదు? దిక్కుచూపుమా!

సంకటహారి వీవనుచు సన్నుతి జేసితి నన్ను బ్రోవ నీ

శంకను దెల్పరాద! విరసంబును వీడుమ వేగమే హరీ!//