'హరీ!'శతకపద్యములు

'హరీ!'శతకపద్యములు.

81.

ఉత్పలమాల.

పోరులఁ గెల్చి ధారుణిని పొందిరి సౌఖ్యము రాజులెందరో!

వారల కేమి దక్కె? పరివారము తోడ నశించి పోయిరే!

సారెకు నిన్ను దల్చి మనసారగ మ్రొక్కిన ముక్తసంగులై

చేరరె భక్తులెల్లరును శీఘ్రమె నీపద సన్నిధిన్ హరీ!//

82.

చంపకమాల.

తిమిరపు భూతమున్ దఱిమి తీర్చగ భక్తుల కష్టనష్టముల్ 

కమలను దోడ్కొనీ భువికి గ్రక్కున రావయ!దివ్యతేజ!మా 

భ్రమలను కాల్చువాడ!బహు బాధలఁ గ్రుంగెడి యీ జనంబుపై 

మమతను జూపరావ!!పరమాత్మ!దయాకర!పాహి!శ్రీహరీ!//