ఆరాటం

తెల్లారిందదిగో –ఉరకల పరుగుల జనమరిగో,

వచ్చిపోవు వాహనాల ఓయబ్బో జోరదిగో.

ఉరుముపడ్డ ఊరునొదలి ఉరకదీయు తీరదిగో.

తెల్లారింధదిగో –ఉరకల పరుగుల జనమరిగో

తొందరంటే తొందరే-అందరికీ తొందరే

ఆమె'కడుపునింపనైతే అయ్యగారి' తొందర

ఆ తల్లికడుపు చీల్చనైతే బిడ్డకేమో తొందర .

అడుగులేయ నేర్వకున్న నడవనెంత తొందర.

నడకనేర్చినంతనే పరుగుతదీయ తొందర.

తొందరంటే తొందరె-అందరికీ తొందరే

ముక్కుపచ్చలారకున్న మీసాలకు తొందర

మీసమీడ పండకున్న రంగుబూయ తొందర

తొందరంటే తొందరని తొక్కులాడుజనంచూడు

పరుగులాటపందెంలో-పరువులాటయాగంలో

ఆరాటంకద్దులేని పోరాటం ఈడ చూడు

తొందరంటే తొందరే-అందరికీ తొందర.

శయ్యపైన చేరినాకసాఫీగా లెక్కలెయ్య

శ్వాసకాస్త జారుకుంటే,సాగనంప జనంలేరు.

సాధించిందేముందట,సాగనంప జనంలేరు

జనం మధ్య చోటు లేదు, జనానికా జాములేదు

సాధించిందేముందట? శ్వాసనిలుప ధమ్ములేదు

జనం మధ్య చోటు లేదు, జనానికా జామలేదు

తెల్లరిందిదిగో,తుదకిటు తెల్లరిందిదిగో !!