ఆ దరిన , ఈ దరిన !

ఈమె ఆ దరిన , అతను ఈ దరిన ...

ఏ క్షణమో కలిపింది ఇద్దరిని .

జీవితమంతా ఒకరికొకరై ఉండమని ,

అదే వెలకట్టలేని పెన్నిధి అనీ !

ఏదారెటు పోతుందో ,

ఎక్కడ తన గమ్యాన్ని చేరుతుందో !

ఎవరి తరము ఆ సంగతి

ముందుగా తెలియజేయ అనవతరము ?

మనిషికుండే మమత , ప్రేమ

మూగవైనా , బయటికి కనపడక దాగునా ?

అవే కోరిన తీరాన్ని చేర్చునంటే ,

సహజమైనా , అద్భుతం కాకుండునా !

బుద్బుధమీ జగతిలోని ప్రగతి ,

ఏనాడేమౌనో తెలియనిదే కదా పరిస్థితి !

నేటిని దాటామా అమితానందం ,

రేపేమైనా అయ్యిందా , ఆఖరు ఆ బంధం .

ప్రళయం అంచునైనా భూమిపై జీవనం ,

ఆశల సాకారానికే మనదెన్నడూ పయనం .

ఆపము కఠినమైనా సమరము ,

ఈ లోకంలోకి వచ్చాక మరేదిక అమరము !!