வண்ணம் தொலைத்த வண்ணத்துப்பூச்சி

கள்ளம் ஏதுமில்லாது 

காற்றுக்கு என்ன வேலியென

எண்ணம் போலவே 

காற்றைக் கிழித்தே

சுற்றித் திரிந்து

சிந்தை மகிழ்ந்து

வண்ணங்களால் -

எண்ணம் கவர்ந்த வண்ணத்துப் பூச்சி

துன்பப் புயலில் சிக்கியே

வண்ணம் தொலைத்து

சோர்ந்து கிடக்க ....

காலத்தின் ஒட்டத்தில் ஒருநாள்

சிறகு படபடக்க

தொலைத்த வண்ணங்களை 

மீட்டெடுத்தே - வானம் ஏகிச் செல்லும் !

அந்நாளில் வானம் - அதன் வசமாகும் !