பேனாவும் எழுத்துகளும்

எப்போதேனும் ஆசுவாசமாய்

பேச்சுத் துணையாய்

வந்து போன 

எழுத்துக்களும் பேனாவும்

சமீப காலமாக

வழித் துணையாகின !

எண்ணங்களை விஸ்தாரமாக்க

மனது சுமந்த க"விதை" கருவுக்கு

எழுத்து வடிவு கொடுத்தே

பாமாலையாய் பேனாவும் பிரசவிக்க

பிறந்த கவிக் கிள்ளைகளை

நானும் இரசித்து

இரசித்ததை பகிர்ந்தே மகிழ்கிறேன் !

பிறரையும் மகிழ்விப்பேன் என்ற

திடமான நம்பிக்கையோடே !