நலம் நலமறிய ஆவல் !

நலம் நலமறிய ஆவல் !

கைப்பட எழுதிய கடிதங்கள்

எப்போதும் சுமந்து நிற்கும் -

முதல் வரி ! முத்தான வரி !

கால ஓட்டத்தில்

கடிதம் எழுதவும்

அவசியமற்றுப் போனதோடு

நலம் விசாரிப்புகளும் கூட

அருகித் தான் போய்விட்டன !

பத்து நாள் காத்திருந்து

எண்ணங்களை இணைத்தன

கடிதங்கள் ! இன்று -

பத்து நொடி கூட காத்திருக்க

அவசியமற்றுப் போனாலும்

ஏனோ விலகிக் கிடக்கும் உள்ளங்கள் !