நூலகம்
சுயவிவரம்
என்னைச் சுற்றிய நறுமணம்
என்னைச் சுற்றிய நறுமணம்
1 min
388
வாய்க்கால் கரையோரம் வாழும் மீனெல்லாம்
வளைந்து நெளிந்து ஓடும் வயலோரம்
கம்மாத் தண்ணீரும் கால்வாய் நீராகும்
கெழுத்தி கெண்டைங்க துள்ளி விளையாடும்
நண்டு நத்தையும் நாங்கூழ்ப்
புழுவும்
உண்டு திமிரேறும் உடலும்
உரமேறும்
நாரை கொக்குனு நாத்தைச்
சுற்றியே
சகதி வாசத்தில் சடுகுடு விளையாடும்
கரம்பை மண்ணுமிங்கே களிமண் ஆகிவிடும்
கலப்பை ஏருமிங்கே காலை ஊன்றிவிடும்
ஆழ உழுதாலே அடிமண்
மேலேறும்
ஏழை எங்களுக்குச் சந்தனக் கூழாகும்
வெளஞ்ச பயிரெல்லாம் வேர்வை வாசந்தான்
களத்து மேடெல்லாம் கதிரு வீசுந்தான்
அவுச்சுப் போட்டாலே அரிசிப் புழுங்கலாம்
அப்படியே அரைச்சாக்க அரிசிப் பச்சையாம்
ஆக்கி உண்டாலே அமிர்தம் இதுவாகும்
காக்கி நெல்லுமே வெள்ளை உடம்பாகும்
மீதம் இருந்தாக்கா பழைய சோறாகும்
நீச்சத் தண்ணிக்கு நறுமணம் ஏதாகும்.
( உழத்தி மகன் )
