நூலகம்
சுயவிவரம்
எமக்குத் தொழில் உழவு
எமக்குத் தொழில் உழவு
1 min
867
கதிரவன் தோன்றுமுன் களத்தினில் தோன்றி
காளையினைப் பூட்டி கலப்பையை மாட்டி
காலால் அழுத்திமிதிக்க கரடும் புழுதியாகும்
காடும் உழவாகும் கழனி
உருவாகும்
ஏரினைப் பூட்டி ஏற்றம்
இறைத்து
நீரினைப் பாய்ச்சி நிலத்தைக் குளிர்வித்து
ஆவோடு நானும் ஆழ
உழுகையில்
புழுதி கூழாகும் புதுமண் பிறப்பெடுக்கும்
இலையோடு தழையும் இட்டு
மிதிக்க
இயற்கை உரமாய் இன்னும் வலுசேர்க்க
ஆட்டுப் புழுக்கையும் ஆவின்
எருவும்
நட்ட பயிரை நலமாய்ப்
பாதுகாக்கும்
முத்தொழில் புரிபவனும் முன்னின்று வணங்கும்
இத்தொழில் சிறப்பை இயற்கையும் விரும்பும்
எத்தொழில் புரிந்தாலும்
எல்லோருக்கும் உணவு
ஏற்றமின்றி வழங்க எமக்குத்
தொழில் உழவு.
