செல்களின் சுவாசமே

நீயும் நானும் உலகமே

உலகம் நம்மில் பாதியே

உன் நலனில் அக்கறை கொண்டால்

உலகம் மிக அழகானதே

உன் நலனில் நீ தவறிழைத்தால்

உலகமும் தவறாய் சுழலுமே!

மெல்ல மெல்ல செல்லுமே

செல்ல செல்ல தவழுமே

வாழ்வின் உயிரோட்டமே

செல்களின் சுவாசமே!

சுவர்களாகிடும் புரதங்களின்

கோட்டைதனில்

ஓர் விரிசல் வந்தால் விபரீதமே

உடலின் இயக்கமதிலே

குருதியின் போக்கிலே

உயிர் மூச்சு சென்றிடும் நேரமதிலே

வாழ்வின் ஆரோக்கியம் படர்கிறதே!

ஒழுக்கமென்னும் மந்திரத்தை

நாளும் நீ மறந்திடாமல் கூறிடு -

சீரிய வாழ்க்கைச் சுவடுகள்

மெல்ல மெல்ல செல்லுமே

செல்ல செல்ல தவழுமே

வாழ்வின் உயிரோட்டமே

செல்களின் சுவாசமே!