ராஜபோக யோகம்

சேவக்கோழி கூவுது மச்சான்

எழுந்து சாலுக்கோலை எடுவே மச்சான்

நாளும் நல்ல நாளும் இது

நாத்து நடவேண்டுமன்றோ

நம்ம குடி ஓங்க வேண்டாமா - மச்சான்

நாலுபணம் சேர்க்க வேண்டாமா?

சம்பாப் பயிரு வளர்த்து - கழனியில்

தழை எரு போட்டு வெச்சேண்டி

உன் கையாலே வெளச்சிட்டா

காணுமடி வேணும் பலன்

கட்டழகு வீச்சுக்காரி - நல்ல

கெட்டிமுத்து பேச்சுக்காரி

நாளை புஞ்செய் நிலம் உழவேண்டும்

உழுது கம்புகேப்பை போட வேண்டும்

நஞ்செய்யிலே நெல்பருத்தி

புஞ்செயிலே சோளம்கம்பு

ராசிக்காக விளைந்துவிட்டால் - மச்சான்

ராஜபோக யோகம்தானே