దుర్గే దుర్గతి నాశిని

శంభు నిశుంభులు

చండ ముండులు

రక్తాక్ష బీజాక్షులు

ధూమ్రాక్ష మహిషాసురులు

ఇలా ఎందరో అసురులు

ఇంకా ఉన్నారు

హా ఈ భూమి మీదే ఉన్నారు

మనలోనే ఉన్నారు

స్త్రీని చెర పట్టి ఆమెను హింసించిన రావణుడి గతి ఏమైనదని తెలిసినా

స్త్రీని గౌరవించక ఆమె బట్టలు ఊడదీసి అవమానించాలనుకున్న కురు సభ ఏమైనదని తెలిసినా

ఇంకా స్త్రీని హింసించే వారు ఆమెను ఆట వస్తువుగా మార్చి ఆడించేవారు

మాలోనే ఉన్నారు

తల్లీ నీవు రావలె దేవీ నవరాత్రమున

మాలోని రాక్షస దుర్గుణములన్ నాశనం చేయవలె

దర్శనమీయవలె మాత దుర్గా రూపమున

దుర్గే దుర్గతి నాశిని అన్న మాటను నిజము చేయవలె