ଯାତକୁ ଡାକିଲୁ ନାହିଁ

ଏତେକରି ତୋତେ କହିଥିଲି-ହେଲେ

ଯାତକୁ ଡାକିଲୁ ନାହିଁ ,

ତୁଚ୍ଛାରେ ଯା' ଖାଲି ଭାବ ଲଗେଇଛୁ

ବୋଲାଇ ଜଗତ ସାଇଁ ।(ଘୋଷା)

ବହୁତ ଦିନରୁ ଆଶାଥିଲା ମୋର

ରଥ ଯାତରାଟି ଦେଖିବାକୁ ତୋର ,

ଶ୍ରୀ ମନ୍ଦିର ଠାରୁ ଗୁଣ୍ଡିଚା ମନ୍ଦିର

ସାଥେ ଯାଇଥା'ନ୍ତି ଧାଇଁ ।(୧)

ଯାତକୁ ଡାକିଲୁ ନାହିଁ....

ତୁଚ୍ଛାରେ ଯା' ଖାଲି ଭାବ ଲଗେଇଛୁ

ବୋଲାଇ ଜଗତ ସାଇଁ ।

ଦେଖିଥା'ନ୍ତି ବୁଲି ଆନନ୍ଦ ବଜାର

ବଡ଼ଦାଣ୍ଡେ ଭକ୍ତ ହଜାର ହଜାର ,

ରଥ ଦଉଡ଼ିକୁ ଟାଣିଥା'ନ୍ତି ତୋର

ଆଣ୍ଟକରି ସାଇଁ,ସାଇଁ ।(୨)

ଯାତକୁ ଡାକିଲୁ ନାହିଁ....

ତୁଚ୍ଛାରେ ଯା' ଖାଲି ଭାବ ଲଗେଇଛୁ

ବୋଲାଇ ଜଗତ ସାଇଁ ।

ଏତେକରି ତୋତେ କହିଥିଲି-ହେଲେ

ଯାତକୁ ଡାକିଲୁ ନାହିଁ ,

ତୁଚ୍ଛାରେ ଯା' ଖାଲି ଭାବ ଲଗେଇଛୁ

ବୋଲାଇ ଜଗତ ସାଇଁ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।