କାମନାର ତୃଷ୍ଣା

ନଈ କୂଳିଆ ଚଗଲା ପବନ

ମୋ ପ୍ରିୟାକୁ ଅସ୍ତବ୍ଯସ୍ତ କରି

ତା' ଶାଢୀର ପଣତକୁ

ଉଡାଏ ଫର୍ ଫର୍ କରି ।

ସୌନ୍ଦର୍ଯ୍ୟରେ ତା'ର

ଆନମନା ହୋଇ

ଦଲକାଏ ଦଲକାଏ

ଥଣ୍ଡା ହାଓ୍ୱାର ବାହାନାରେ

ତା' ଦେହକୁ ଛୁଇଁ ଦେଇ

ନିଜକୁ ଧନ୍ୟ ମନେକରେ ।

ଉଦିତ ସୂର୍ଯ୍ୟର

କଅଁଳିଆ କିରଣ

ମନକୁ ନିଜର କରି ଅସ୍ଥିର

ତା' ଦେହର ଖୋଲା ଇଲାକାରେ

ଲତ୍ ପତ୍ ହୋଇ ମିଶିଯାଇ

ନିଜକୁ ଖୁବ୍

ଭାଗ୍ୟବାନ ମଣେ ।

ମୋ ସ୍ୱପ୍ନର ମାନସୀ

ତୋ ପ୍ରେମର ବର୍ଷାରେ

ଭିଜିବାକୁ ଭାରି ଇଚ୍ଛା ହୁଏ ।

ତୋ ଖିଲିଖିଲି ହସରେ

ବିଭୋର୍ ହୁଏ ମନ

ମିଠା ମିଠା ଛୁଆଁରେ

ମୋ ଦେହ ଉଲ୍ଲସିତ ହୁଏ ।

ଆଖି କି ଦେଖିପାରେ

ତୋ ଅଳସ ଦେହର

ଅପହ଼ଞ୍ଚ ଇଲାକାରେ

ଲୁକ୍କାୟିତ ଥିବା

ସବୁ ସୌନ୍ଦର୍ଯ୍ୟକୁ ?

ଓଠ କି କହିପାରେ

ମୋ ହୃଦୟର

ଗୋପନ ଇଲାକାରେ

ରୁନ୍ଧି ହୋେଇ ଥିଵା

ସବୁ ମନର କଥାକୁ ?

ହୃଦୟର ରାଣୀ

ତୋ ପାଇଁ ସବୁବେଳେ

ନିଶ୍ୱାର୍ଥ ମୋ ପ୍ରେମ

ସମର୍ପିତ ଭାବ

ଉଲ୍ଲସିତ ମନ

କେତେ ଅଭୁଲା ସ୍ମୃତି

ସବୁ ଆଜି ତନମନକୁ

କରାଏ ପାଗଳ ।

ମନ ମୋର କହୁଛି

ଅକ୍ଟୋପାସର ନିବିଡ

ବନ୍ଧନରେ ଜାବୁଡି ଧରି

ପ୍ରେମରେ ଆକଣ୍ଠ

ମଧୁପାନ କରିବା ସହ

ହୃଦୟରେ ଯେତେ ସବୁ

ଗଚ୍ଛିତ କାମନାର ତୃଷ୍ଣାକୁ

ମେଣ୍ଟାଇ ନେବାକୁ ।

*******************

ପ୍ରଶାନ୍ତ କୁମାର ବେହେରା

ଅଧ୍ଯାପକ , ରାଜନୀତି ବିଜ୍ଞାନ ବିଭାଗ,

ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,

ଜଗତସିଂହପୁର ।

ଦୂରଭାଷ - ୯୪୩୭୧୩୫୯୧୬