ଅମର ପ୍ରେମ

ମଥାରେ ତୁମର ଆଉକା ସିନ୍ଦୁର

ତଥାପି ଆଜି ମୁଁ ଖୁସି

ମୋତେ ଭୁଲି ତୁମେ ଚାଲିଗଲ ବୋଲି

ଭାବିବିନି ଜମା ଦୋଷୀ ।

ତୁମେ ହସିଦେଲେ ଓଠରୁ ତୁମର

ମୁକୁତା ପଡଇ ଝରି

ହସ ଥାଉ ସଦା ଓଠରେ ତୁମର

ମିଳୁଥାଉ ସୁଖ ଶିରି ।

ଲୁହ ପଛେ ସାଜୁ ଆପଣା ମୋହର

ଖୁସି ହେବି ତୁମ ପାଇଁ

ବଞ୍ଚିଥିବା ଯାଏ ପ୍ରେମଟା ଆମର

ରହିବ ଜୀବିତ ହୋଇ ।

ପାଇବାରେ ଖାଲି ଆନନ୍ଦ ନଥାଏ

ଦେବାରେ ବି ରହିଥାଏ

ସେହି ଆନନ୍ଦରେ ହେଉଛି ବିଭୋର

ଆଜି ସୁଧା ଭଲପାଏ ।

ଖୁସି ମୁଁ ହୋଇବି ଆମ ଅତୀତରେ

ତୁମ ବର୍ତ୍ତମାନ ସାଥେ

ଭବିଷ୍ୟତ ମୋର ଯେମିତି ହୋଇଲେ

ଚିନ୍ତା ଅବ ମୋର କେତେ ।

ତୁମ ସ୍ମୃତି ଥିବ ସାଥିରେ ମୋହର

ପ୍ରେମର ଡୋରୀଟି ଧରି

ଜିଇଁ ରହିଥିବି ଯେତେଦିନ ମୁହିଁ

ପ୍ରେମଟା ଯିବନି ମରି ।