शिशिरातून वसंत
शिशिरातून वसंत
पानगळ शिशिराची
आता सुरु झाली सये
तरु निष्पर्ण तरीही
वाट वसंताची बघे
पिकलेले पान गळे
नियमचि निसर्गाचा
नाही उपयोगी त्याला
जीवनात नको थारा
जुनी जातील गळुनी
नवी पालवी येईल
जीवनात, निसर्गात
सत्य प्रत्यया येईल
पानगळ झाली तरी
जुने सुकलेले जाई
नव्या पर्णबहराने
झाड बहरुन येई
बहुमोल विचारांचे
धन ज्ञानही देईल
दुःख निराशा जाऊन
सुख पालवी येईल