पहिलं प्रेम😙😍

मन चालले चालले

माझ्या प्रियकराकडे

कधी पडेल दृष्टीस

कुणा घालू गं साकडे ||

भासे चंदनापरी मंद

ज्याच्या प्रीतिचा सुगंध

आस लागता भेटीची

मन माझे होई धुंद ||

बालपणीचा तो सखा

आठवे गं क्षणोक्षणी

मयुरपंखी त्या क्षणांची

करी मन उजळणी ||

प्रेम आमचे मंगल

त्यात नसे स्पर्श भाषा

राखे तनाचे पावित्र्य

लाभे मनाला आरसा ||

दिवाकर पृथ्वी परी

नाते आमुचे विमल

योग्य राखुनी अंतर

ठेवू जगता शितल ||

निराशामय या जगी

तु रे आशेचा किरण

रम्य प्रहरी घडे जैसे

सूर्य पृथ्वीचे मिलन ||